ಪಿಚ್ಚರ್’ ಸಿನಿಮಾ ವಿಮರ್ಶೆ | Kannada & Tulu Movie Review. ಕುಟುಂಬ ಒಟ್ಟುಗೂಡಿಸಲು ಹಾಸ್ಯದ ಹೊನಲು
🎬 ‘ಪಿಚ್ಚರ್’ ಸಿನಿಮಾ ವಿಮರ್ಶೆ | Kannada & Tulu Movie Review
ಚಿತ್ರ ವಿಮರ್ಶೆ- ಮಂಜುರಾಜ್ ಸೂರ್ಯ
ರೇಟಿಂಗ್ — ⭐⭐⭐/ 5
ಕನ್ನಡ ಮತ್ತು ತುಳು ಭಾಷೆಯಲ್ಲಿ ಆಗಸ್ಟ್ 7ರಂದು ಬಿಡುಗಡೆಯಾಗಿರುವ ‘ಪಿಚ್ಚರ್’ ಸಿನಿಮಾ ಇದೀಗ ಪ್ರೇಕ್ಷಕರ ಗಮನ ಸೆಳೆಯುತ್ತಿದೆ.
ಶಿಲ್ಪಾ ಗಣೇಶ್ ನಿರ್ಮಾಣದಲ್ಲಿ ಮೂಡಿಬಂದಿರುವ ಈ ಚಿತ್ರಕ್ಕೆ ಸಂದೀಪ್ ಬೆದ್ರ ನಿರ್ದೇಶನ ಮಾಡಿದ್ದಾರೆ. ನಾಯಕನಾಗಿ ನಿತ್ಯಪ್ರಕಾಶ್ ಬಂಟ್ವಾಳ್, ನಾಯಕಿಯಾಗಿ ಅಮೃತಾ ಸುಡು ಕಾಣಿಸಿಕೊಂಡಿದ್ದು, ದೇವದಾಸ್ ಕಾಪಿಕಾಡ್, ನವೀನ್ ಡಿ. ಪಡೀಲ್, ಅರವಿಂದ್ ಬೋಳಾರ್, ಭೋಜರಾಜ್ ವಾಮಂಜೂರ್ ಸೇರಿದಂತೆ ತುಳು ಚಿತ್ರರಂಗದ ಜನಪ್ರಿಯ ಕಲಾವಿದರು ಚಿತ್ರದಲ್ಲಿದ್ದಾರೆ.
ಚಿತ್ರ ನೋಡುತ್ತಿದ್ದರೆ ಇದೇ ರೀತಿ ಎಲ್ಲೋ, ಯಾವುದೋ ಚಿತ್ರ ನೋಡಿದ ನೆನಪು ಬರುತ್ತದೆ. ಹೌದು ಇದು ಕುಟುಂಬಕ್ಕಾಗಿ, ಕುಟುಂಬವನ್ನು ಒಂದು ಮಾಡುವುದಕ್ಕಾಗಿ ಚಿತ್ರದ ನಾಯಕ, ನಾಯಕಿ, ಅವನ ಜೊತೆಗಾರರು ಮಾಡುವ ಡ್ರಾಮಗಳನ್ನು ನೋಡಿದ ನೆನಪಾಗುತ್ತೆ. ಕನ್ನಡದ ಪಾಂಡವರು ಚಿತ್ರವನ್ನು ಇದೂ ಬಹುತೇಕ ಹೋಲುತ್ತದೆ, ಹಾಗೆಯೇ ಸುದೀಪ್ ರವರ ಶಾಂತಿ ನಿವಾಸ, ವಿಷ್ಣುರವರ ಯಜಮಾನ ಹೀಗೆ ಒಂದು ತುಂಬು ಕುಟುಂಬ ವನ್ನು ಒಂದು ಮಾಡಲು ಮಾಡುವ ಡ್ರಾಮಾ ಗಳೇ ಪಿಚ್ಚರ್ ಚಿತ್ರವಾಗಿದೆ.
ಚಿತ್ರದ ಕಥೆಯ ಕೇಂದ್ರಬಿಂದು ಹೀರೋ ಆಗಬೇಕು ಎಂಬ ಕನಸು ಕಾಣುವ ಯುವಕನ ಜೀವನ. ತನ್ನ ಕನಸನ್ನು ನನಸು ಮಾಡಿಕೊಳ್ಳಲು ಆತ ಎದುರಿಸುವ ಸವಾಲುಗಳು, ಪ್ರೀತಿ, ಕುಟುಂಬದ ಸಂಬಂಧಗಳು ಮತ್ತು ಬದುಕಿನಲ್ಲಿ ಎದುರಾಗುವ ಅನಿರೀಕ್ಷಿತ ತಿರುವುಗಳೇ ಕಥೆಯ ಪ್ರಮುಖ ಅಂಶಗಳು.
ಕಥೆಯನ್ನು ತುಂಬಾ ಗಂಭೀರವಾಗಿ ಹೇಳುವುದಕ್ಕಿಂತ ಹಾಸ್ಯ, ಪ್ರೀತಿ ಮತ್ತು ಭಾವನಾತ್ಮಕ ಸನ್ನಿವೇಶಗಳ ಮೂಲಕ ಪ್ರೇಕ್ಷಕರನ್ನು ರಂಜಿಸುವ ಪ್ರಯತ್ನ ಇಲ್ಲಿ ಕಾಣಿಸುತ್ತದೆ.
ಸಂದೀಪ್ ಬೆದ್ರ ಅವರ ನಿರ್ದೇಶನದಲ್ಲಿ ಸಿನಿಮಾ ಸರಳವಾಗಿ ಸಾಗುತ್ತದೆ. ಪ್ರೇಕ್ಷಕರಿಗೆ ಸುಲಭವಾಗಿ ಕನೆಕ್ಟ್ ಆಗುವಂತಹ ಸನ್ನಿವೇಶಗಳಿಗೆ ಹೆಚ್ಚಿನ ಒತ್ತು ನೀಡಲಾಗಿದೆ.
ವಿಶೇಷವಾಗಿ ತುಳು ಚಿತ್ರರಂಗದ ಜನಪ್ರಿಯ ಹಾಸ್ಯ ಕಲಾವಿದರನ್ನು ಸಮರ್ಥವಾಗಿ ಬಳಸಿಕೊಂಡಿರುವುದು ಚಿತ್ರದ ಪ್ಲಸ್ ಪಾಯಿಂಟ್.
ನಿತ್ಯಪ್ರಕಾಶ್ ಬಂಟ್ವಾಳ್ ನಾಯಕನಾಗಿ ಗಮನ ಸೆಳೆಯುತ್ತಾರೆ. ತಮ್ಮ ಪಾತ್ರಕ್ಕೆ ಬೇಕಾದ ಮುಗ್ಧತೆ ಮತ್ತು ಎನರ್ಜಿ ನೀಡುವ ಪ್ರಯತ್ನ ಮಾಡಿದ್ದಾರೆ.
ಅಮೃತಾ ಸುಡು ನಾಯಕಿಯಾಗಿ ತಮ್ಮ ಪಾತ್ರವನ್ನು ಅಚ್ಚುಕಟ್ಟಾಗಿ ನಿಭಾಯಿಸಿದ್ದಾರೆ.
ಇನ್ನು ದೇವದಾಸ್ ಕಾಪಿಕಾಡ್, ನವೀನ್ ಡಿ. ಪಡೀಲ್, ಅರವಿಂದ್ ಬೋಳಾರ್ ಹಾಗೂ ಭೋಜರಾಜ್ ವಾಮಂಜೂರ್ ಅವರ ಹಾಸ್ಯ ಸನ್ನಿವೇಶಗಳು ಚಿತ್ರಕ್ಕೆ ಮನರಂಜನೆಯ ಅಂಶವನ್ನು ಹೆಚ್ಚಿಸುತ್ತವೆ.
ಸ್ಯಾಮ್ಯುಯೆಲ್ ಅಬಿ ಅವರ ಸಂಗೀತ, ಸಂತೋಷ್ ರೈ ಪಾತಾಜೆ ಮತ್ತು ಚಂದ್ರಶೇಖರ್ ಕೆ.ಎಸ್. ಅವರ ಛಾಯಾಗ್ರಹಣ ಹಾಗೂ ರಾಜು ಆರ್ಯನ್ ಅವರ ಸಂಕಲನ ಚಿತ್ರಕ್ಕೆ ಪೂರಕವಾಗಿದೆ.
ಅಷ್ಟೇ ಅಲ್ಲದೇ ಶಿಲ್ಪಾ ಗಣೇಶ್ ಈ ಚಿತ್ರದಲ್ಲಿ ಗೀತೆಯೊಂದಕ್ಕೆ ಧ್ವನಿಯಾಗಿದ್ದಾರೆ. ಮೊದಲಬರಿಗೆ ಗಾಯಕಿಯಾಗಿ ಗುರುತಿಸಿಕೊಂಡಿದ್ದಾರೆ.
ಕುಟುಂಬ ಸಮೇತ ನೋಡಬಹುದಾದ ಮನರಂಜನೆ, ಹಾಸ್ಯ ಸನ್ನಿವೇಶಗಳು, ಕಲಾವಿದರ ಅಭಿನಯ ಮತ್ತು ಸರಳ ಕಥಾಹಂದರ ಚಿತ್ರದ ಪ್ರಮುಖ ಪ್ಲಸ್ ಪಾಯಿಂಟ್ಗಳು.
ಕೆಲವು ಕಡೆ ಕಥೆ ಇನ್ನಷ್ಟು ವೇಗವಾಗಿ ಸಾಗಿದ್ದರೆ ಸಿನಿಮಾ ಇನ್ನಷ್ಟು ಪರಿಣಾಮಕಾರಿಯಾಗಬಹುದಿತ್ತು ಎನ್ನಿಸುವುದು ಚಿತ್ರದ ಮೈನಸ್ ಪಾಯಿಂಟ್.
ಒಟ್ಟಿನಲ್ಲಿ ‘ಪಿಚ್ಚರ್’ ದೊಡ್ಡ ಮಟ್ಟದ ಆ್ಯಕ್ಷನ್ ಅಥವಾ ಗಂಭೀರ ಕಥೆಯನ್ನು ನಿರೀಕ್ಷಿಸುವ ಸಿನಿಮಾ ಅಲ್ಲ.
ಹಾಸ್ಯ, ಪ್ರೀತಿ, ಕುಟುಂಬದ ಭಾವನೆ ಮತ್ತು ಮನರಂಜನೆಯೊಂದಿಗೆ ಒಂದಿಷ್ಟು ಸಮಯವನ್ನು ಖುಷಿಯಾಗಿ ಕಳೆಯಲು ಬಯಸುವ ಪ್ರೇಕ್ಷಕರಿಗೆ ‘ಪಿಚ್ಚರ್’ ಒಂದು ಒಳ್ಳೆಯ ಆಯ್ಕೆ.
ನಮ್ಮ ರೇಟಿಂಗ್ — ⭐⭐⭐/ 5
ನೀವು ಸಿನಿಮಾ ನೋಡಿದ್ದರೆ ನಿಮ್ಮ ಅಭಿಪ್ರಾಯವನ್ನು ಕಾಮೆಂಟ್ನಲ್ಲಿ ತಿಳಿಸಿ.
