ಅಯೋಗ್ಯ 2 ಚಿತ್ರ ವಿಮರ್ಶೆ “ಮತ್ತೊಮ್ಮೆ ಅಯೋಗ್ಯನ ಕಚಗುಳಿ”

ಚಿತ್ರ ವಿಮರ್ಶೆ –  ಅಯೋಗ್ಯ 2
ನಿರ್ಮಾಪಕರು –  ಮುನೇಗೌಡ
ನಿರ್ದೇಶನ –  ಮಹೇಶ್
ಛಾಯಾಗ್ರಹಣ – ವಿಶ್ವಜಿತ್ ರಾವ್
ಸಂಗೀತ – ಅರ್ಜುನ್ ಜನ್ಯ

Rating -3 /5

ಚಿತ್ರ ವಿಮರ್ಶೆ- ಮಂಜುರಾಜ್ ಸೂರ್ಯ

ಕಲಾವಿದರು -ರವಿ ಚಂದ್ರನ್, ಸತೀಶ್ ನೀನಾಸಂ, ರಚಿತಾ ರಾಮ್, ರವಿಶಂಕರ್‌, ಸಾಧುಕೋಕಿಲ, ಅರುಣಾ ಬಾಲರಾಜ್, ಗಿರಿ ಶಿವಣ್ಣ, ಶಿವರಾಜ್‌ ಕೆಆರ್‌ ಪೇಟೆ, ಸುಂದರ್ ರಾಜ್, ತಬಲಾ ನಾಣಿ, ಮಂಜು ಪಾವಗಡ, ಮುಂತಾದವರು.

Ayogya 2 Movie Review:
ಅಯೋಗ್ಯ 1 ಚಿತ್ರದ ಮುಂದುವರಿದ ಭಾಗ ಅಯೋಗ್ಯ 2. ಚಿತ್ರದ ಪ್ರಾರಂಭದಲ್ಲಿಯೇ ಮೊದಲ ಭಾಗದ  ಕತೆಯನ್ನು ಹೇಳುವುದರಿಂದ ಪ್ರೇಕ್ಷಕರು ಯಾವುದೇ ಗೊಂದಲವಿಲ್ಲದೇ ಅಯೋಗ್ಯನ 2ನೇ ಅವತಾರವನ್ನು ನೋಡಬಹುದು. ಮೊದಲ ಭಾಗದ ಅಯೋಗ್ಯನಿಗೂ ಈಗ 8 ವರ್ಷಗಳ ನಂತರ ಎರಡನೇ ಅಯೋಗ್ಯನಿಗೂ ಬಹಳ ವ್ಯತ್ಯಾಸವಿದೆ.

ಭಾಗ 2ರ ನಿರ್ಮಾಪಕ ಮುನೇಗೌಡ  ಚಿತ್ರದ ನಿಜವಾದ ಹೀರೊ ಅನ್ನಬಹುದು ಏಕೆಂದರೆ ಚಿತ್ರದ ಮೊದಲ ದೃಶ್ಯದಿಂದಲೇ ಹಣವನ್ನು ನೀರಿನಂತೆ ಹರಿಸಿದ್ದಾರೆ. ಎಲ್ಲಾ ಸೀನ್ ಗಳನ್ನು ಬಹಳ ಅದ್ದೂರಿಯಾಗಿ ನಿರ್ಮಿಸಿದ್ದಾರೆ.

ಚಿತ್ರದ ಪ್ರಾರಂಭದಲ್ಲಿ ಒಂದು ಫೈಟು, ಒಂದು ಕಲರ್ ಫುಲ್ ಅದ್ದೂರಿ ಹಾಡಿನೊಂದಿಗೆ  ಚಿತ್ರ ಶುರುವಾಗುತ್ತದೆ.
ಅಯೋಗ್ಯದಲ್ಲಿ  ಗ್ರಾಮಪಂಚಾಯಿತಿ ಸದಸ್ಯ ನಗಿದ್ದ ಅಯೋಗ್ಯ ಈಗ ಭಾಗ ಎರಡರಲ್ಲಿ ಗ್ರಾಮಪಂಚಾಯಿತಿ ಅಧ್ಯಕ್ಷನಾಗಲು ಏನೆಲ್ಲಾ ಸರ್ಕಸ್ ಮಾಡುತ್ತಾನೆ. ಎನ್ನುವುದನ್ನು ಕಾಮಿಡಿ ಯೊಂದಿಗೆ ತೋರಿಸಿದ್ದಾರೆ.
ನೀನಸಮ್ ಸತೀಶ್ 8 ವರ್ಷದ ನಂತರ ಭಾಗ 2 ಬಂದರು ಅದೇ ಉತ್ಸಾಹ, ಕೌಶಲ್ಯ ಉಳಿಸಿಕೊಂಡಿದ್ದಾರೆ.
ಅದೇ ಉಡಾಳತೆ ಬಚ್ಚೆಗೌಡನ ಕಾಲೇಳೆಯುವ, ಮಣ್ಣು ಮುಕ್ಕಿಸುವ ಪಾತ್ರದಲ್ಲಿ ಪ್ರೇಕ್ಷಕರನ್ನು  ನಗೆ ಗಡಲಲ್ಲಿ ತೇಲಿಸಿದ್ದಾರೆ. ಜೊತೆಗೆ ಶಿವರಾಜ್ ಕೆ . ಆರ್. ಪೇಟೆ ಹಾಗೂ ಗಿರಿ ಶಿವಣ್ಣ ಇಡೀ ಚಿತ್ರವನ್ನು ಆವರಿಸಿಕೊಂಡಿದ್ದಾರೆ.

ಇನ್ನು ಚಿತ್ರದ ಮತ್ತೊಂದು ಪ್ಲಸ್ ಪಾಯಿಂಟ್ ಮತ್ತು ಮುಖ್ಯ ಪಾತ್ರ ನಿರ್ವಹಣೆ ಮಾಡಿರುವಂತಹ ನಟ ಆರ್ಮುಗಂ ರವಿಶಂಕರ್. ರವಿಶಂಕರ್ ಇದ್ರೆ ಆ ಸಿನಿಮಾಕ್ಕೆ ಒಂದು ಕಳೆ, ಗತ್ತು, ಗಮ್ಮತ್ತು ಬಂದೇ ಬರುತ್ತೆ ಅನ್ನೋದು ಎಲ್ಲಾ ಪ್ರೇಕ್ಷಕರಿಗೂ ಗೊತ್ತು. ಹಾಗೆ ಈ ಚಿತ್ರದಲ್ಲೂ ಕೂಡ ಕಾಮಿಡಿ ಕಳ ನಟನಾಗಿ ರವಿಶಂಕರ್ ಒಮ್ಮೊಮ್ಮೆ ಅಬ್ಬರಿಸಿದ್ದಾರೆ, ಒಮ್ಮೊಮ್ಮೆ ನಗೆ ಪಾಟಲಿಗೆ ಸಿಲ್ಕುತ್ತಾರೆ ಒಮ್ಮೊಮ್ಮೆ ಪೇಚಿಗೆ ಸಿಲುಕಿ ಅಯೋಗ್ಯನ ಕ್ವಾಟ್ಲೆಗೆ ಸಿಕ್ಕಿ ನಲಗುತ್ತಾರೆ.

ಅಯೋಗ್ಯ ಚಿತ್ರದ ಕ್ಲೈಮ್ಯಾಕ್ಸ್ ಗೆ ಒಂದು ವಿಭಿನ್ನ ರೀತಿಯಲ್ಲಿ ಟ್ವಿಸ್ಟ್ ಕೊಟ್ಟಿದ್ದಾರೆ ನಿರ್ದೇಶಕ ಮಹೇಶ್.

ಮಹೇಶ್ ನಿರ್ದೇಶನದಲ್ಲಿ ಎರಡನೇ ಭಾಗವಾಗಿ ಅಯೋಗ್ಯ 2 ಚಿತ್ರ ಎಂಟು ವರ್ಷಗಳ ನಂತರ ನಿರ್ಮಾಣ ಆಗಿದೆ. ಆದರೆ ಎಂಟು ವರ್ಷವಾದರೂ ಕಥೆಯ ಮುಂದುವರಿದ ಭಾಗ ಎಲ್ಲೋ ಮಿಸ್ ಆಗಿಲ್ಲ, ಅಷ್ಟೇ ಅಲ್ಲದೆ ಅದೇ 8 ವರ್ಷದ ಕಥೆ ಅದೇ ಲವಲವಿಕೆಯಿಂದ ಚಿತ್ರದಲ್ಲಿ ಕಾಣಿಸಿಕೊಂಡಿದೆ. ವ್ಯತ್ಯಾಸ ಏನಂದ್ರೆ ಅಲ್ಲಿ ಗ್ರಾಮ ಪಂಚಾಯಿತಿ ಸದಸ್ಯನಾಗಿದ್ದ ಅಯೋಗ್ಯ ಇಲ್ಲಿ ಗ್ರಾಮ ಪಂಚಾಯಿತಿ ಅಧ್ಯಕ್ಷನಾಗಲು ಏನೆಲ್ಲ ಕಷ್ಟಪಡುತ್ತಾನೆ ಏನೆಲ್ಲ ಕ್ವಾಟ್ಲೆ ಕೊಡ್ತಾನೆ ಅನ್ನೋದೇ ಅಯೋಗ್ಯ 2 ಚಿತ್ರದ ಪೂರ್ಣ ಕಥೆ.

ನಟ ನೀನಾಸಂ ಸತೀಶ್ ಈ ಚಿತ್ರದಲ್ಲಿ ಮೊದಲಿಗಿಂತ ಮತ್ತಷ್ಟು ಲವಲವಿಕೆಯಿಂದ ಕಾಣಿಸಿಕೊಂಡಿದ್ದಾರೆ. ಚಿತ್ರದ ಪಾತ್ರದಲ್ಲಷ್ಟೇ ಅಲ್ಲದೇ, ಚಿತ್ರದಲ್ಲಿ ಅವರ ಗೆಟಪ್ಪು ಕಾಸ್ಟ್ಯೂಮ್ ಎಲ್ಲವೂ ಫ್ರೆಶ್ ಆಗಿದೆ. ಹಾಗೆ ಫೈಟು ಡ್ಯಾನ್ಸು ಎಲ್ಲಾ ಕಡೆನೂ ಸತೀಶ್ ಮಿಂಚಿದ್ದಾರೆ. ಚಿತ್ರದ ಒಂದೆರಡು ಹಾಡುಗಳು ಕೂಡ ಹಿಟ್ಟಾಗಿದೆ, ಜನರಿಗೆ ಇಷ್ಟ ಆಗಿದೆ. ಸತೀಶ್ ಒಂದು ಹಳ್ಳಿಯ ಗ್ರಾಮ ಪಂಚಾಯತಿ ಸದಸ್ಯನಾಗಿ ಪಾತ್ರವನ್ನು ನಿರ್ವಹಿಸಿದ್ದಾರೆ.

ಇನ್ನು ಚಿತ್ರದ ನಾಯಕಿ, ಅಯೋಗ್ಯನ ಹೆಂಡತಿ, ಗ್ರಾಮ ಪಂಚಾಯಿತಿ ಸದಸ್ಯನ ಅರ್ಧಾಂಗಿಯಾಗಿ ರಚಿತಾ ರಾಮ್ ಕಾಣಿಸಿಕೊಂಡಿದ್ದಾರೆ. ಅಯೋಗ್ಯ ಮೊದಲನೇ ಭಾಗದಲ್ಲೂ ಕೂಡ ಈ ಜೋಡಿ ಯಶಸ್ವಿಯಾಗಿ ಸಿನಿಮಾ ಯಶಸ್ಸಿಗೆ ಕಾರಣವಾಗಿತ್ತು. ಆದರೆ ಇಲ್ಲಿ ನಾಯಕಿ ಗ್ರಾಮ ಪಂಚಾಯಿತಿ ಸದಸ್ಯ ನಾಗಿ ಕೆಲಸ ಇಲ್ಲದೆ ಮನೇಲಿ ಕುಂತಿರೋ ಅಯೋಗ್ಯನಿಗೆ ಸಾತ್ ನೀಡದೆ, ಅವನಿಗೆ ಬುದ್ಧಿ ಕಲಿಸಲು ಮನೆ ಬಿಟ್ಟು ಹೋಗಿ ಒಬ್ಬ ಸರ್ಕಾರಿ ಅಧಿಕಾರಿಯಾಗಿ ಕಾಣಿಸಿಕೊಂಡಿದ್ದಾರೆ. ಆದರೆ ಅವರ ಅಧಿಕಾರ ಯಾವುದು ಅಂತ ನಿಖರವಾಗಿ ಗೊತ್ತಾಗೊಲ್ಲ.

ರಚಿತರಾಮ್ ತೆರೆ ಮೇಲೆ ಅಷ್ಟಾಗಿ ಕಾಣಿಸಿಕೊಳ್ಳೋದಿಲ್ಲ. ಎರಡು ಹಾಡು ನಾಲಕ್ಕು ಸೀನ್ ಬಿಟ್ರೆ ರಚಿತಾ ರಾಮ್ ಚಿತ್ರದಲ್ಲಿ ಅಷ್ಟಾಗಿ ತೆರೆ ಮೇಲೆ ಬರೋದಿಲ್ಲ ಅವರ ಅಭಿಮಾನಿಗಳಿಗೆ ನಿರಾಶೆ ಆಗಿರೋದಂತೂ ನಿಜ.

ಅರ್ಜುನ್ ಜನ್ಯ ಅವರ ಸಂಗೀತದಲ್ಲಿ ಮೂಡಿ ಬಂದಿರುವ ಹಾಡುಗಳು ಈಗಾಗಲೇ ಪ್ರೇಕ್ಷಕರಿಗೆ ತಲುಪಿ ಹಿಟ್ ಕೂಡ ಆಗಿದೆ ಹಾಗೆ ಸಿನಿಮಾದಲ್ಲಿ ಹಿನ್ನೆಲೆ ಸಂಗೀತ ಮತ್ತು ಹಾಡುಗಳು ಚಿತ್ರಕಥೆಗೆ ಸಾತ್ ನೀಡಿದೆ ಹಾಗೆ ವಿಶ್ವಜಿತ್ ರಾವ್ ರವರ ಛಾಯಾಗ್ರಹಣ ಕೂಡ ಹಳ್ಳಿಯ ಪರಿಸರಗಳು ಮತ್ತು ಹಾಡುಗಳ ಚಿತ್ರೀಕರಣ ತುಂಬಾ ಸೊಗಸಾಗಿ ಮೂಡಿ ಬಂದಿದೆ.

ನಿರ್ಮಾಪಕ ಮುನೇಗೌಡರವರು ಈ ಚಿತ್ರಕ್ಕೆ ನೀರಿನಂತೆ ಹಣ ಹರಿಸಿದ್ದಾರೆ, ಸುರಿದಿದ್ದಾರೆ ಅನ್ನೋದು ಚಿತ್ರ ನೋಡ್ತಾ ಇದ್ರೆ ತೆರೆ ಮೇಲೆ ಕಾಣುತ್ತೆ. ಪ್ರತಿಯೊಂದು ದೃಶ್ಯವನ್ನು ಬಹಳ ಅದ್ದೂರಿಯಾಗಿ ಅವಶ್ಯಕತೆಗೆ ಮೀರಿ ನಿರ್ಮಾಣ ಮಾಡಿದ್ದಾರೆ. ಕಲಾವಿದರ ಕಾಸ್ಟಮ್ ಅದರಲ್ಲೂ ನೀನಾಸಂ ಸತೀಶ್ ರವರ ಕಾಸ್ಟ್ಯೂಮನ್ನು ಡಿಫರೆಂಟ್ ಡಿಸೈನ್ ಮಾಡಲಾಗಿದೆ ಅದಕ್ಕೆ ಎಷ್ಟು ಹಣ ಸುರಿದಿದ್ದಾರೋ ನಿರ್ಮಾಪಕರಿಗೆ ಗೊತ್ತು.

ಚಿತ್ರದ ಕ್ಲೈಮ್ಯಾಕ್ಸ್ ನಿಜಕ್ಕೂ ಈ ಚಿತ್ರದ ಒಂದು ಹೈಲೈಟ್ ಆ ಚಿತ್ರದ ಕ್ಲೈಮಾಕ್ಸ್ ನಲ್ಲಿ ಬರುವಂತ ನಟ ಯಾರು ಅನ್ನೋದೇ ಕುತೂಹಲ. ಆ ಕೊನೆ ದೃಶ್ಯನೇ ಹೇಳುತ್ತೆ ಸಿನಿಮಾದ ಅದ್ದೂರಿತನದ ನಿರ್ಮಾಣ ಏನು ಅಂತ.

ಆದರೆ ಇಂಥ ಒಬ್ಬ ಒಳ್ಳೆ ನಿರ್ಮಾಪಕ ಅದ್ದೂರಿ ಚಿತ್ರಗಳನ್ನು ನಿರ್ಮಾಣ ಮಾಡುವಂತ ಮನಸ್ಸು ಇರುವಂತ, ಫ್ಯಾಶನ್ ಇರುವಂತ ನಿರ್ಮಾಪಕರು ಉಳಿಬೇಕು, ಬೆಳಿಬೇಕು. ಈ ಚಿತ್ರ ಪ್ರೇಕ್ಷಕರು ಕೈ ಹಿಡಿದು ಗೆಲ್ಲಿಸಬೇಕು ಅನ್ನೋದು ನಮ್ಮ ಕಳಕಳಿ.

ಒಟ್ಟಿನಲ್ಲಿ ಒಂದು ಕಚಗುಳಿ ಇಡುವಂತ ಹಾಸ್ಯದ ಲೇಪನದೊಂದಿಗೆ ಮೂಡಿ ಬಂದಿರುವ “ಅಯೋಗ್ಯ 2” ಚಿತ್ರ ಮನೆ ಮುಂದೆ ಕೂತು ನೋಡಬಹುದಾದಾಂತ ಚಿತ್ರ.